DAŞARY ÝUPDA IŞLEMÄGE BARÝAN RAÝATLAR ÜÇIN MAGLUMAT
Ýolda:
• Resmi ulag edaralaryň hyzmatlaryndan peýdalanyň. Şeýle kompaniýalar awtoulaglaryň howpsuz ulanylmagyny göz öňünde tutýar. Ýol heläkçiligi bolan halatynda ulag hyzmatlaryny üpjün edýän edaralar jogapkärçilige çekiler.
• Migrasiýa kartasynyň "Syýahatyň maksady" ýazgyly bölüminde "Iş" diýip saýlaň; eger başga bir maksat görkezseňiz, size işlemek üçin rugsat (patent) berilmez.
• Pasportyňyzy ygtyýarly şahslardan başga hiç kime bermäň (serhetçiler, migrasiýa gullugynyň işgärleri we polisiýa).
• Şäherleriň we beýleki ugurlaryň kartalaryny telefonyňyza göçürip alyň we öwreniň.
• Serhetden geçeniňizde hiç wagt kanuny bozmaň.
• Daşary ýurda işe gelýän raýatlar babatynda ulanylýan ähli amallary ýerine ýetiriň: hasaba alyş, ätiýaçlandyryş resminamalary, patent almak, zähmet şertnamalary we hukuk taýdan resminamalaryň düzedilmegi. Siz iş rugsadyny (patent) almak üçin arza bilen ýüz tutmaly we degişli immigrasiýa gullugynda hasaba durmaly.
• Häkimiýet edaralarynyň wekillerinden başga hiç kime pasportyňyzy bermäň (serhetçiler, migrasiýa gullugy we polisiýa).
• Töleg geçirmek we hasaba durmak, patentýa-da iş wizasyny almak ýaly amallary soňa goýup, gijikdirmäň.
• Zähmet hukuklaryňyz bozulan ýagdaýynda, kanuny esasda işlemek size hukuklaryňyzy dikeltmäge we iş berijiden zähmet hakyňyzy talap etmäge mümkinçilik berýär.
• Ýadyňyzdan çykarmaň, siziň pasportyňyzy saklamaga hiç kimiň hakyýokdur!
• Maşgalaňyza gelendigiňiz barada habar beriň, olara wagtlaýyn bolýan takyk salgyňyzy beriň. Garyndaşlaryňyz bilen habarlaşyp duruň.
• Türkmenistanyň Daşary işler ministrliginiň resmi web sahypasynyň (mfa.gov.tm) "Konsullyk bölümine” girip, konsullyklar barada maglumat alyň.
• Gündelik iş tertibini berjaý ediň, iş berijiniň emlägi bilen iş salyşanyňyzda seresap boluň, zähmet ýa-da raýat-hukuk şertnamasyna laýyklykda iş borçnamalaryňyzy öz wagtynda we netijeli ýerine ýetiriň.
Teswirler